如鷹展翅 振翅高飛

20071028
早上信信的貴賓Christine要到他教會崇拜，結果我不可以幫手做司事及參加團契，一定要去幫手。
中午及下午都陪信信見貴賓，學到很多東西，是做社工學不到的。
下午團契的夫婦都要找Christine幫手，真犀利。
我知道，我將會向未來的目標進發，第一步是讀好英文。
晚上，與中學同學聚會，當中有些同學都很久沒見，因為遲了上去，所以只顧食，實在太肚餓了，沒有太多傾談。
之後，同學Ada同大家宣佈已經結了婚。大家的反應係︰「唔係嘛」
她沒有擺酒，只有她幾個要好的同學知道，就以為我地知道了，事實上知道的人不多。
有點愕然，是因為我不太知道佢再拍拖，真係大家疏遠了，連結婚也不通知一聲。
算了吧，每個人都有不同選擇啦。

20071029
我主持月會，講講下主任爭住講，原來係提老人家要小心轉涼，以及我要走的消息，第一場月會最多老人家，當全部長者都鼓掌時，我很感動，有長者在座位上讚我，這種肯定是勝過一切。
當我偷望到有長者義工整緊想送畀我紀念的東西時，我真係想感動到哭起來。
人與人之間，原來就是這種感覺，令我有種溫暖感。
之後，同事又偷偷forward他們的鬼主意，就是想送個畢業公仔比我，都有感動，至少我覺得同事都係有心既。

我終於同親手請我的SWO在EMAIL中說再見，因她在我遞信前那天，在中心見過她，彼此道別後，大家都知她不會再回中心，要去第二度做野，我報以有緣再見的眼神。在EMAIL中她對我說唔可以再大頭蝦，唔好怕多野做，係既，這都是我致命傷，佢同我講我地大個左就飛走哂，有心痛感，不過佢自己都返唔到屋企…..
飛走哂，係因為個家冇發展，大個了想睇下個世界。
我沒有忘記，她曾經教過我的東西。